We dey give una any thing wey dey happen for this world for Pidgin English

Taraba State: Herdsmen don kill up to four people

People wey dem suspect say be heardsmen don kill four people for Ngutswen village for Gassol local government area of Taraba State, northeast Nigeria.

This one dey happen after the governor of the state, Darius Ishaku, be halla say serious attack go happen for the state.

Local media for Nigeria dey carry tori say at least four die for the Tiv village wey the herdsmen attack.

This latest attack don come sharp sharp before the 10 days wey the governor bin say attack go happen, after im receive information from the area, say attack wan happen.

Governor Ishaku be talk say im don pass the information to security agencies, and im no think say anybody don take any action.

Image result for picture of map of taraba state

Tori be say the governor dey talk for the capital Jalingo on 1 February, to members of the opposition Peoples Democratic Party, wey come visit am because one member of the state House of Assembly wey be Hosea Ibi, don die.

Im say: "when I enter office, I be ask my people to give me peace, say I go give dem development back. Taraba never take eye see peace, but we get development. I dey here as governor wey wear crown, but I no get sword."

"You go call police and security agencies for help; dem go tell you say dem need to clear from Abuja before dem act. Before you know it, you go lose 100 people."

Posted: News

Subscribe for Newsletter