Final Gist.com

We dey give una any thing wey dey happen for this world for Pidgin English

Sierra Leone don start special school for pregnant girls

Before before for Sierra Leone, if you be school girl wey carry belle government go ban you from school and even force you to do test to confirm your condition.

Na 2015 na im the government put dat law to make the girls wey get belle for school be like bad example.

To reply the pressure wey the country dey get from other country dem on to this matter, the government now don open special classes for pregnant girls.

One government official for Sierra Leone Ministry of Education Brima Turay wey talk give Africa News say "e no go produce result to shift boys from girls just because dem get belle."

"Boys no dey born pikin, but girls yes, and e show sey na the big difference."

Tori be sey now girls wey carry belle fit continue their education, after dem do one small program, separate from oda young girls.

Their government claim sey e dey successful as nearly half of the pregnant girls for this special school dey go back to normal school after dem born the pikin dem carry for belle.

Posted: News

Subscribe for Newsletter