We dey give una any thing wey dey happen for this world for Pidgin English

Shell oil spill: Nigerians don lose court case for UK

The Court of Appeal inside London on 14 February rule say two Nigerian communities no go fit do case against Royal Dutch Shell for English courts on top oil spills mata for Nigeria Delta region.

The court reject the appeal from Bille and Ogale communities their lawyer wey be Leigh Day, and even talk say English court no get right to listen claims against the Nigerian unit of Shell, wey be Shell Petroleum Development Company (SPDC).

Nigerian government dey follow operate the SPDC.

Leigh Day say the two Nigerian communities plan to carry the case go Britain's Supreme Court.

Reuters dey report say Leigh Day partner Daniel Leader talk say: "we dey hope say the Supreme Court go give permission to appeal and go see am from anoda point of view."

Posted: World

Subscribe for Newsletter