Zambia government don threaten to begin deal with people and business wey dey sell sex toys inside di country.
Recently, the advert wey dey promote sex toys for social media dey increase more more, wey come make the ministry of religious affairs to speak out.
Zambia, wey dem declare Christian country according to the law, no dey tolerate some kind practice like same sex marriage.
Reverend Godfridah Sumaili, wey be the minister in charge of National Guidance and Religious Affairs, talk say her ministry go work with law enforcement agencies to make sure say the selling of sex toys, dem stop am patapata for di country.
According to Reverend Godfridah the law under Section 177 forbid make dey bring, sell, buy and promote bad object wey fit corrupt people.
"As e be so the government no go allow this evil and yeye act of using sex toys."
But Sean Tembo, wey be leader of one opposition party, no agree with the minister.
E say: "Wetin the Honourable Minister of Religious Affairs dey try to do so, to by force threaten those wey like to buy sex dolls, be say she dey try to put her personal values on the rest of our citizens and this dey against both the Holy Bible and our republican constitution, wey encourage and protect the right of people.
"Make every body know say salvation na personal choice and no be wetin the government go by force people to pursue."