We dey give una any thing wey dey happen for this world for Pidgin English

Queen Elizabeth and Prince Philip Dey Do 70 Years Wedding Anniversary

Queen Elizabeth II and Prince Philip go do their wedding anniversary for Nov. 20th, 2017, this go mek am 70 years when dem marry for Westminster Abbey.

Even if their four pikin (Charles, Anne and Andrew) marriage don scatter, their marriage don dey for many years.

Now, dem don join one small club of husband and wife wey don dey together for many years. Dem dey plan anniversary and Westiminster Abbey bell go ring around 1300 GMT i.e 1 p.m for Nigeria time.

AFP sey Elizabeth and Philip go dey with their family today for their (Buckingham) palace.

After dem don dey together for 70 years, dem get four pikin with eight grand pikin and five great-grand pikin. Dem still dey expect another grand pikin for April, this na the third pikin wey Prince William and e wife Kate Middleton go get.

The 96 years old Prince Philip don retire, now e dey reading and painting. The 91years old queen don dey give her 69 years old pikin Prince Charles small small work.

Dem meet when dem dey 13 years

Elizabeth dey  13 years and Philip dey 18 years when dem meet. Philip na fine army officer e be when dem meet.

Posted: News

Subscribe for Newsletter