Nigeria President Muhammadu Buhari announce for im social media account say im government go use profit from crude oil to take build road and give people light.
For inside one of the two messages wey President Buhari send on top im twitter account on Saturday morning, 28 January, im promise say im government no go do anyhow with the country money, like the former governments dem don do.
"I wan assure Nigerians say every extra money wey the Federal Government go make for 2018, from crude oil price wey dey go up for market, go enter work on top infrastructure projects: roads, rail, and power, wey go benefit all of our people," na so the President talk through im official twitter account @MBuhari.
At the end of the two message for social media, the President use the hashtag #TheYearofInfrastructure wey other account wey relate to the federal government like @NGRPresident and @AsoRock don begin use this year.
Nigerians react for social media