People run scatter for Delta State Government House on Wednesday when police trowey tear gas give National Association of Delta State Students (NADESSU) member because dem go protest give governor Ifeanyi Okowa because e no pay dem bursary money.
Student pack enter bursary board office for Asaba before dem go Government House where dem meet the official of Anti-Terrorism Squad wey dey Government House.
The quarrel between the student and police mek the student sey dem no go comot from the place until dem get wetin dem want, the thing mek police call their police from Delta State Police Command for Ugbolu Road.
Police fire tear gas because dem want drive the student comot from Government House.
One person wey drive Peugeot Frontier quick mek U-turn because of the student as e turn e jam one keke driver. Four people injure for the accident and dem quick quick carry dem go hospital.
The National President for NADESSU, Samson Agolo with the Vice President Imalah Ugoachanum sey dem no respect Nigeria student and dem no treat dem well, e sey na state bursary and scholarship board with government house dem plan to go protest.
One student of Delta State University, Abraka wey e name na Luis sey “Governor Ifeanyi Okowa and the State Scholarship Board dey play wayo dem no want gree pay dem bursary money. We hear sey governor tell dem mek dem pay only Ika student the bursary money. Dem never pay many of us. Na mek all the Delta Student for every school come Asaba, come ask am why e no want pay everybody the bursary money”.