Final Gist.com

We dey give una any thing wey dey happen for this world for Pidgin English

Police Don Show Okotubo, Don Wanny Senior Gang Member Wey Join Kill People for Omoku- See picture

CSP JIMOH MOSHOOD, FORCE PUBLIC RELATIONS OFFICER FOR HEADQUARTERS, ABUJA ON 11th JANUARY, 2018 DON SHOW DESMOND OKOTUBO, WEY BE SENIOR GANG MEMBER OF DEADLY KIDNAP FOR RANSOM AND CULTIST SYNDICATE WEY DEY RESPONSIBLE FOR THE PEOPLE WEY DEM KILL FOR 1st JANUARY, 2018 FOR OMOKU RIVERS STATE. 

Photos : Police Parade Okotubo, Don Wanny's Senior Gang Member Over Omoku Killings

The innocent people wey notorious kidnap for ransom and cult syndicate leader Don Wanny and im gang kill for Omoku Rivers state on 1st January 2018 . The Inspector General of Police, IGP Ibrahim K. Idris, NPM, mni set-up special Police joint investigation team, people wey dey the team na IGP-Intelligence Response Team, the Force Criminal Intelligence and Investigation Department, Force Department of Operations and the Rivers State Police Command make dem quick quick lool for the people do this thing for Omoku. 

  1. The IGP-Intelligence Response Team wey dey attach to Joint Police Special Investigation Team, look for some of the suspect for where dem hide for Awara Forest boundary wey dey between Imo and Rivers State, dey shoot gun for plenty hours then six (6) of the suspect die and some run comot with bullet wound to other place for Rivers, Delta, Imo and Bayelsa States and Police Teams dey find dem now.
  2. The IGP-Intelligence Response Team don see say Desmond Okotubo wey escape on 3rd January 2018 go Abuja after dey shoot gun with Police Team for one location for Imo State, dey trace am go reach Mpape for Abuja where dem for arrest am after drag with dem on 9th January, 2018.

  3. This principal Suspect, Desmond Okotubo 32yrs, come from Egbenma Unelga LGA Rivers State, e Confess say im join the gang plan kill those people and e still use im hand carry gun shoot innocent people for Omoku Rivers state on New Year day. E give the full tori  how dem take plan the Operation for Awara Town Imo State before dey go for the mission.

  4. The suspect, Desmond Okotubo still tell Police how their Gang leader Don Wanny gather dem and tell dem on 31st night of December 2017 about the mission to attack and kill people for Omoku town. Thirty (30) of dem carry like Twenty (20) AK47 Rifle cross the river from Awara to Omoku forest and dey enter Omoku town and start to shoot innocent Citizen wey dey celebrate new year.

  5. Investigation dey go on now to arrest other member for the gang and dem still dey try to know everything about the matter. The suspect dem go carry am go court after dem finish the investigatio

  6. Nigeria Police Force don assure us say dem go protect our live and property for this country.

Posted: News

Subscribe for Newsletter