So who dey watch the watchman for Ghana? People dey inside shock well well for social media as allegation comot sey some police personnel for Ghana fit don leak promotional exams wey dem Junior Officers dey write.
Police cancel exams because of this papers leak matter; dem carry the exam am go Wednesday 20th December, 2017 make dem write new one. But Ghanaians for social media mind dey scatter, as people know sey na police for guard against examination malpractices, especially exams leakages wey dem dey call 'apor.' So how the same police dey chook apor, na wetin dem dey ask.
People dey inside shock well well, as dem talk am for social media.
Some dey wonder how the same police fit guard against leakage of other examinations
E be like everybody dey fear exams even police, see this paddy e comment.
Check like Manifest talk truth for dat e song nowhere cool Oo! Ghana Police sef dey hot.
Ghana Police currently open investigations into the matter make dem uncover those wey dey behind the leakage.