Final Gist.com

We dey give una any thing wey dey happen for this world for Pidgin English

Pierre-Emerick Aubameyang fit no play for Arsenal this weekend

Arsenal manager, Arsene Wenger, say the club new signing Pierre-Emerick Aubameyang no well.

Wenger say dem go check Aubameyang, wey sign for Arsenal dis week from Borrussia Dortmund, before their game against Everton on Saturday.

"I get to check if im body dey ok. Im get fever, so im no fit train well. Na yesterday im start but still im never strong well well. I get to check with the medical department how fit im go be," na wetin Wenger tell news people.

Wenger also tell news people why im sign Aubameyang.

"Im be natural striker wey dey very fast and im get correct record too for games wey im play and number of goals wey im score". Na wetin Wenger add put.

Meanwhile the Frenchman also talk say former Arsenal player, Alex Song, dey train for di club London Colney training facility to build im fitness while im dey look for new club after Russian club Rubin Kazan release am.

"Im dey find new club. I allow am to come work on im fitness. Thats all," na wetin Wenger talk as im rule out any chance say im fit return back to Arsenal.

Posted: Sport

Subscribe for Newsletter