President Muhammedu Buhari don tell state government mek dem mek sure sey dem pay workers money wey dem dey owe so that workers go dey happy for this Christmas.
Gov. Rochas Okorocha of Imo tell State House Correspondent sey the matter na truth, after dem hold meeting with president for presidential villa for Abuja on Monday.
E sey dem really talk the workers matter for the meeting, president dey concern for worker wey dey dependent on their salary to feed, pay house rent and school fee for their pikin.
E sey na “quick quick meeting president do with governors.
“President dey concern with the end of year and e tell dem mek dem mek sure sey Nigerian mostly worker enjoy for Christmas.
“Dem talk the matter about the Paris Club money wey still dey hang and dem don handle the matter so that everybody go enjoy for this Christmas.
“We still thank the president wey e take carry us comot for recession, and as e don approve sey im go pay the remaining 50 percent of the Paris Club money for the state”