Final Gist.com

We dey give una any thing wey dey happen for this world for Pidgin English

Nigeria State police don launch "Know Your Neighbour" hotlines

Police for Enugu state, Nigeria don launch "Know Your Neighbour" campaign and dem also release hotlines wey people fit call.

Na Ebere Amaraizu, wey be the Command talk-talk person carry the information give news people.

Dem use this campaign take tackle security wahala for the state.

The numbers wey the police command release na - 08032003702, 08075390883, 08086671202 and 08098880172. Dem also release their social media accounts give people.

Police dey encourage people wey dey live for the state make dem call the numbers to report anybody wey dem suspect or any gathering wey dey one kind.

The police command say dem dey beg people for the state make dem know their neighbours and friends as his one go help dem do their work well.

Posted: News

Subscribe for Newsletter