We dey give una any thing wey dey happen for this world for Pidgin English

Nigeria Police say dem ready for governors wey dey give militia weapon

The oga for Nigeria police, Ibrahim Idris, say make state police commissioners put eye for governors wey dey give their people weapon to fight.

Mr Idris talk this wan for the monthly meeting wey im dey do with commissioners for the country capital, Abuja.

"no government for this country get the power to approve firearms for any Nigerian"

E come knack the police commissioners warning say im know say plenty of dem dey join body with governors to give weapons to people.

Mr Idris say dem no get power to allow any group or person carry pistol or AK47.

The Inspector-General Idris tell the state police ogas make dem no dey approve vigilante group anyhow for dia command.

Posted: News

Subscribe for Newsletter