Final Gist.com

We dey give una any thing wey dey happen for this world for Pidgin English

'Niger Delta matter pass $1bn '- Ann-Kio Briggs

Nigeria government plan to use $1bn take fight Boko Haram the matter dey vex some leaders for the oil-rich Niger Delta region.

Niger Delta activist Ann-Kio Briggs tell BBC News pidgin news person Helen Oyibo sey how government go use that kind money take fight the same terrorist group wey dem sey dem don "technically defeat."

Meanwhile, Ayodele Fayose wey be governor of south western Ekiti state tell news people sey the money na wetin dem wan keep take help President Muhammadu Buhari win election for 2019.

Then Rivers state governor Nyesom Wike own be sey wetin good for the North dey good also for the  Niger Delta region, we also need that kind money to solve environment and security challenges dem too.

Ms Briggs put mouth sey "$1bn sef no go reach solve the matter for ground for the Niger Delta region. Federal government just like to dey find Niger Delta trouble. To clean up Niger Delta environment go pass that $1bn."

"This na why me personally dey agitate for resource ownership, management and control, so we go dey pay federal government tax," na wetin she talk.

Ms Briggs sey for Nigeria to experience the change wey get to happen fast, the country need to think about new constitution, because the 1999 own no go work.

"The 2014 national conference report dey even though dem no dey interested in am. I dey advice make dem look am again because e touch plenty issues like IPOB agitation plus Niger Delta own sef."

Posted: News

Subscribe for Newsletter