Final Gist.com

We dey give una any thing wey dey happen for this world for Pidgin English

NAFDAC don seize two truck wey tramadol boku inside

The National Agency for Food and Drug Administration and Control - NAFDAC for Nigeria say e don seize two trucks wey tramadol boku inside.

Tramadol na pain killer, but e dey produce 'highness' wey come dey make people abuse am and lead to addiction.

The Director General of NAFDAC, Prof. Moji Adeyeye, talk this one for Abuja on Monday for one event. She say dem no suppose dey sell tramadol to youths.

"Drug use dey centrally controlled wey mean say e dey hit the brain immediately and e dey change the user to somebody else", Prof. Adeyeye talk.

"Dem no dey fit control demselves and that na where crime, terrorism come in. Therefore, abeg, make una spread di word say drug use get consequences.

She add say: "As we dey talk, we just catch two lorries wey tramadol full inside this morning. Where dem dey go? Dem dey go the Ajegunles of Nigeria, to di Kanos of Nigeria. Who dem dey target? Our children! Therefore, we need to all come in. Na our business."

The NAFDAC madam say many youths dey die of drug overdose because e dey very easy for dem to access addictive drugs.

Posted: Health

Subscribe for Newsletter