We dey give una any thing wey dey happen for this world for Pidgin English

Man Run Leave Im Wife for Hospital after She Born Set of Twin

One 45 years old man run leave im wife and new born twin pikin for hospital, yesterday appear chair Magistrate  for Ikeja Court.

The man dey stay foe Afolabi Street for Abule Egba, Lagos appear for front of Magistrate A.O Gbajumo because e no fit pay hospital bill.

Gbajumo let am go but im go pay N20,000 as bail money with one person wey stand for am.

The prosecutor Sergeant Michael Unah sey the man commit the offence on August 28 for Evangel Hosptial, Ikeja Lagos.

Unah sey the man run after im wife Glory use operation (Caeserean Section, CS) born twin, the hospital charge am mek e pay N239,100 as their bill.

E sey “The man na tell dem mek dem do the operation (Caeserean Section, CS), e run leave e wife and twin pikin for hospital for months”.

Unah sey the hospital give Glory to her relative two months wey the after the husband no come. E sey the hospital report the matter give police, dem come arrest the man”.

The man offence sey dey for Sections 168(d) 247(1) of Crinmal Law of Lagos State, 2015.

Dem don shift the matter go Dec. 8 2017.

Posted: News

Subscribe for Newsletter