We dey give una any thing wey dey happen for this world for Pidgin English

Lions don attack and chop 'thief' for South Africa park

One case of bushmeat wey catch hunter don shock South Africa.

E be like this person, wey police dey suspect say fit be thief enter the Kruger National Park for South Africa to kill and steal animal part but im jam one chance, as lions catch am, kill am and chop im body.

According to police for South Africa, by the time dem find the man, na only small remain of im dead body.

Na for weekend, dem find the dead body of the man for one private game park near Hoedspruit for Limpopo, where thieves don raid plenty animals year after year.

''E be like say the victim enter the game park to steal animal part, but the lions attack and kill am'', according to Limpopo police spokesman Moatshe Ngoepe.

Ngoepe still talk say, ''By the time dem finish with am, na only im head and small parts remain''.

Dem find one hunting gun near di place dem find the dead body for Saturday morning.

Police don begin investigate the mata, dem wan find out who dis man be.


Last year, for the same Limpopo, bad people poison and kill plenty lions for one farm, and dem run comot with dia head and hand.

Lion body parts na one of the ingredient for traditional medicine.

But na rhino and elephant horn popular pass for the body part black market.

Customers wey dey Asian countries like China and Vietnam dey buy am, use am do traditional medicine.

Posted: World

Subscribe for Newsletter