We dey give una any thing wey dey happen for this world for Pidgin English

‘Lekki Toll Protest na excuse not to pay’ – MD LCC

Nigerians wey take vex, do protest on top money wey company increase for Lekki, Lagos just dey find reason not to pay for service wey dem dey enjoy.

Na the Lekki Concession Company (LCC) wey dey manage the toll gate talk am as dem dey respond to all the complain wey dey follow di new increase for toll gate money

The Managing Director, Mohammed Mubashiru Hassan say the protest na excuse not to pay the toll.

LCC say dem increase the money for toll as things don high for market, so that dem go fit still continue to dey maintain the road and the machines wey dem dey take work so dat di road go dey good all the time.

Hassan tell BBC News Pidgin tori person Karina Igonikon say, their operating cost don rise well well pass wen dem start to collect di toll for 2011, so dem need to do small adjustment for di toll.

Im say dem bin try change am for November 2017, but Lagos State Governor say make dem consult with people. Na so dem come talk to some people wey dey concern like NURTW wey be drivers' union, and others wey dey live and get business dia, agree on di money before dem increase am.

Managing Director Lekki Concession Company Ltd, Mohammed Mubashiru Hassan

On top di loan mata, Mr. Hassan explain say: 'when the loan don due and den we no fit pay, the government come in to assist, but no be disco money na, wen dem assist na just to retain the image of tnis place and the image of the government too. We go still pay the government back, no be Father Christmas."

E add say: "there are some parts wey we dey pay bank, and den some part will still go to the government but we neva begin pay…government know our condition, so dem know say the condition neva smooth but dem assure us say dem give us full backing and anytime we dey able to clear off, den we fit pay back the government."

Motorists and okada rider for Lekki- Epe Expressway

Lagos State Commissioner for Information, Kehinde Bamigbetan sef be don explain say dem help LCC buy the debt wen dem see say dem no fit carry am, but that e say the debt neva disappear, even though the interest no heavy as e be dey before.

Posted: News

Subscribe for Newsletter