Final Gist.com

We dey give una any thing wey dey happen for this world for Pidgin English

Lekki new toll gate fare no dey fair - Residents

The new increase for money wey drivers dey pay to use Lekki toll gate dey cause serious hold up for di Lekki-Epe Expressway.

This na because the Lekki Concession Company (LCC) wey dey manage the road begin collect the new fare on Thursday 1 February.

For the Admiralty Circle Plaza, salon cars dey pay N200 instead of N120; SUV dey pay N250 instead of N150, while danfo bus and okada dey pay 100 instead of N80.

For the Lekki-Ikoyi Link Bridge, salon cars dey pay N300 instead of N250; SUV dey pay N400 from N300, then danfo bus and okada go pay N200.

But many drivers dem dey vex on top the matter, say dem be no know, and the increment no dey fair at all.

The matter serious sotey people still talk plenty for social media.

Some say car owners wey no happy begin take another route wey come begin affect the whole Lekki Phase One area, sotey no movement for many hours.

Others say the money wey dem dey pay high pass wetin LCC announce as the increase; some danfo drivers say dem pay N250 instead of the N100 wey LCC be say dem increase the money to.

Tight traffic for Lekki-Epe Expressway

For the paper wey LCC bring out to say dem dey increase the toll dem write: "e don reach to review the toll money so that the company fit meet up to pay their loan money wey we collect from the local and foreign lenders, as foreign exchange dey increase steady for the past few years."

"LCC no fit continue to operate or provide service if we no review the toll tariff," na wetin dem add.

But many people dey wonder why this reason dey come up, as the Lagos State government be don take over the loan.

For June 2016, the Lagos State government bin say dem don restructure the N25.3bn credit facility wey local and international lenders be give dem to buy back the LCC. Na the Commissioner for Information and Strategy Steve Ayorinde bin explain to news people say the government don pay total of N9.8bn as full and final settlement of LCC debt to their international lender, wey grant 21.6% reduction to di State.

Im come say local lenders give dem 12% cut, instead of the 18.5% wey be dey.

So people dey ask: if the State government don take over the loan, which one LCC dey increase toll to pay which loan again?

 

Posted: News

Subscribe for Newsletter