Two people for Owerri, Imo state, southeast Nigeria don die from Lassa fever wey just hit the state. Na Dr Angela Uwakwem wey be this state Commissioner for Health talk am.
Uwakwem say na after dem carry the two people wey die comot for the Federal Medical Centre for Owerri.
The health commissioner say na seven cases of Lassa fever dem dey suspect for the state but two don confirm.
Uwakwem beg people for the state make dem stop to dey shake hand anyhow and make dem no dey chop food wey dey open.
Im also tell the state residents say make dem buy rat poison keep for house as na rats dey cause Lassa fever.
Also for Anambra State wey dey close by, the government don ban drinking of soaking garri so dat nobody go catch Lassa fever.
Dr. Joe Akabuike, the Anambra State Health Commissioner wey announce the ban say e dey very dangerous to dey drink soaking garri because people wey dey make am dey also spread am for ground.