We dey give una any thing wey dey happen for this world for Pidgin English

Lagos State say make schools begin sing national anthem for Yoruba

The Association of Private Educators in Nigeria (APEN) say Lagos State government don give dem order say make dem tell their joinbodi schools to prepare students to learn the National Anthem for Yoruba language.

Governor Akinwunmi Ambode bring out new law wey bi say all private and public schools for Lagos go begin take the main language for the region, wey be Yoruba, to sing anthem.

Idiate Adebule wey be the deputy governor, be talk about am for inside meeting wey principals and head teachers bin dey for Alausa.

The governor believe say e dey easy for children to learn book if dem teach dem with their mother tongue so dem don begin translate text books from English to Yoruba small-small.

The national anthem don ready for Yoruba language and from Monday schools go get am so that students go begin learn am.

Earlier this year, the governor be sign one new law wey be 'Yoruba Language Preservation and Promotion Law' to make am compulsory for students wey dey primary, secondary and tertiary schools wey belong to the state, to learn Yoruba.

Posted: Pidgin News

Subscribe for Newsletter