Final Gist.com

We dey give una any thing wey dey happen for this world for Pidgin English

Italy migrants attack: Migrant wey dem shoot no wan return to Ghana

"I never stay for Italy for long," na wetin 29-year-old Jennifer Otioto talk from her hospital room. "I leave Nigeria and I find myself here."

On the morning of 3 February, Otioto be dey wait for bus stop for the town of Macerata.

One 28-year-old Italy man, Luca Traini, drive im Alfa Romeo car near her, come shoot her.

Otioto, wey be hairdresser, don dey well from her gunshot wound. She siddon next to her hospital bed, dey talk small small.

"I no understand this kind trouble," she talk.

Luca Traini

Luca Traini shoot five more migrants dat day. All of dem survive.

E be like say im be dey target anybody wey look like say dem come from Africa.

Kofi Wilson, wey dey 20-years, from Ghana and im be dey go bab im hair wen dem shoot am for chest.

"We hear the first gunshots," Wilson talk. "After the first gunshots I say, 'No be gun', because we dey Europe."

"No be my choice to be a black [person],"im talk. "Na bad idea to [try to] kill black person."


Bullet through window

Kofi Wilson don dey Italy for 17 months. The shooting never make am change im mind about im future. Im no get plans to return to Ghana.

"I [go] like to stay for Italy maybe for the rest of my life."

But the truth be say many Italians go like to see am and others go.

Over the last four years, more than 600,000 migrants don land for Italy. No be all of dem don stay. But their arrival don change the country.

Italy map

Posted: News

Subscribe for Newsletter