We dey give una any thing wey dey happen for this world for Pidgin English

Herdsmen don attack Ondo local council office, pursue workers comot

Herdsmen don use machete attack at least one local government worker for Ondo state, south-west Nigeria.

Tori be say, the herdsmen and Akure south local government workers dey drag one hot matter wey come enter gear five, sotay the herdsmen pursue the workers comot.

Na only when Ondo State Commissioner of police, Gbenga Adeyanju, and the Commandant of the Nigeria Security and Civil Defence Corps, Pedro Ideba chook mouth for the matter, na im e come finish.

The Nigeria Union of Local Government Employees don tell government say make dem no let the matter enter wahala wey go worse pass.

As things be, the secretariat just dull because many of the workers wey run comot never return.

Posted: News

Subscribe for Newsletter