We dey give una any thing wey dey happen for this world for Pidgin English

Ghana vex for Australian High Commissioner wey complain about dirty for social media

The Minister for Sanitation and Water Resources inside Ghana Joseph Kofi Adda, don criticise Australian High Commissioner because e complain for social media about dirty around im office.

Australian High Commissioner to Ghana- Andrew Barnes bin post picture of the way wey the street near their High Commission dey dirty and e say make the local authorities come clean am.

Mr Kofi Adda reply Mr Barnes, after country people vex well well for am say e send workers to go clean the area around the Australian High Commission for Accra, one day after the High Commissioner put im photos for Twitter.

Some Ghanaians dey demand say make dem sack the Minister sake of say e no sabi im work. Others dey accuse am say e dey just dey do anything wey the diplomat want.

But local media report say the Minister deny say no be the High Commissioner dey tell dem wetin to do: "we get programme, e just be say we never really do enough good job to continue with wetin we suppose to do."

"But we get mechanisms, we send people go this places, so we appreciate the concern of the High Commissioner."

Kofi Adda say instead make Barnes go social media: "we think say e suppose contact us for the Ministry ..."

Posted: News

Subscribe for Newsletter