The Federal Executive Council (FEC) don order the immediate investigation of the contract wey dem award under former President Goodluck Jonathan administration wey dem take share book go school across the country.
Government, for August 2013, award contract worth of N8.68 billion mek dem take print and share textbook with library materials for public primary schools’ from class one to six and for junior secondary schools.
FEC, yesterday around 11a.m don start. After dem just swear-in the seven Permanent Secretaries for the Council Chamber, for inside Presidential Villa, Abuja, na President Muhammadu Buhari do am.
The meeting go still continue today.
Minister of Transportation, Rotimi Amaechi, wey talk to State House news person after the meeting, sey the Council don talk sey dem go investigate as dem take share the textbooks to schools for the country between year 2009 and 2011.
Amaechi sey dem go do am before dey start to share N6.9 billion textbooks for schools for the country.
The Minister of Transport sey the Council don approve to produce and share the main textbooks for early education class from class 1-3 and for primary 4-6 for public schools nationwide.
He sey: “The Federal Government feel sey need to support education with money, no be only the school, but the people wey dey for the institution with N6.9 billion
“Council still give approval for Jos Central Library and the construction of Faculty of Animal Sciences and Engineering.
“For Ministry of Transport, we don approve two vessels wey dem call ‘Pilot Cutters’ mek dem escort the vessels go seaport. Before before, we dey we rent. Now we don approve mek NPA buy their own N1.9 billion.
“Also, council approve anoda two vessels of 17 meters for eastern port wey go dey help monitor and assist vessels for inside seaport for N1.2 billion.
“Council still approve to award contract give direct procurement of Installation and Commissioning of Wide Area of Multilateration for Gulf of Guinea for N3.9 billion. This go help catch those equipment wey we no dey see(fly below radar), for so that we go fit dey see dem as dem dey pass because e dey dangerous if we no dey fit see dem because many of dem dey use helicopters.
“Dem still approve mek the consultancy service construct new terminal building for Mallam Aminu Kano Airport. We wan complete the payment, wey be N621 million
“Council still approve mek dem buy flight calibration inspection for N111.6 million.
“Anoda key project wey dem approve na engagement of consultants for project management, monitoring and evaluation both for media and public relations services for UNEP report.”
Council still approve over N377.5 billion for infrastructure projects, llike roads, power, education, water, health among others.
The Minister of Power, Works and Housing, Babatunde Fashola, when e dey give details for this matter, sey the Abuja-Kaduna-Zaria-Kano project go cost N155.7 billion and we expect to use three years complete am. Efire-Araromi-Aiyede-Aiyela road wey go join Ondo and Ogun states go cost N14.4 billion.
The Enugu-Onitsha highway, the Amansia section, e sey the Council don approve the different wey go cost N38.74 billion so that the contractor fit continue with the work.
Fashola sey the Jos Central Library would go cost N597.4 million.
E still sey the Council don approve to complete the Police Service Commission headquarters for Abuja.
According to am, the project dem approve with different so that the dem fit complete am for the next six months.
E sey the formal money na N3.486 billion and e don go up to N3.925 billion, wey get different of N439.113 million.
E sey the Council don still approve the Nnamdi Azikiwe Mausoleum for Anambra State. The project don start, but dem never complete am from the previous administration.
E sey: “Council don approve the additional money to complete am from N1.496 billion to N1.953 billion.”
Fashola sey Council approve money for education and healthcare matter. Dem approve the provision of independent power plant for nine universities and one teaching hospital for the first phase of pilot programme wey cover 37 universities for N38.965 billion.
For im remark, the Minister of Water Resources, Suliaman Adamu sey the Council don ratify augmentation of money to complete Adada dam Igbo-Etiti LGA for Enugu State.
“The project wey dem start for 2010. This project don dey augment and the council don approve the project mek dem complete now for N5.6 billion for the end of 2018.
“Council still approve the augmentation of phase II Galma Dam and Irrigation Project for Kaduna Zaria. The phase I dam don already dey complete but the phase II own get irrigation and with som structures. So, augmentation dey to raise the project for N16.5 billion to favour Gilmore Nig. Ltd.”
The FCT Minister, Mohammed Bello, sey the Council don approve to complete Goodluck Jonathan Way for FCT wey join traffic from Keffi-Nyanya for inside the city.
“We get augmentation of N3.8 billion and with the money, the road go soon dey complete,” na so Bello talk.