Final Gist.com

We dey give una any thing wey dey happen for this world for Pidgin English

I No Fit Dey Keep Fuel For Govt' House Then People Go Dey Suffer- Fayose Ayodele

Ekiti state Governor, Ayo Fayose don direct sey mek 80 percent of the petrol for wey dey Government Fuel Dump mek dem release am give two petrol stations for Ado Ekiti, and mek dem sell give public for control price of N145 per litre – so that fuel scarcity for the state go reduce.

The governor, mek talk this thing for im Twitter Handle sey “So that people fit buy like 25 litres.”

E sey:

“I no fit dey keep fuel for govt house dump and our people go dey suffer. I don tell dem mek dem pump 80% of  petrol come out for Govt House Fuel Dump and mek dem sell am give public for N145. I dey go town go locate the two petrol stations where dem go sell the petrol.”

governor fayose releases petrol

E dey pain the governor the hardship wey people dey face because of petrol scarcity.

“APC federal government don turn the joy of Nigerians to suffer. People no fit travel  go meet their families because of wicked APC government. This hardship don too much for Nigerians for this time and e don show sey President Muhammadu Buhari no get solution to fuel scarcity matter.”

Posted: News

Subscribe for Newsletter