One drama happen for Zvishavane Magistrates’ Courts Zimbabwe, after one woman enter the court and catch her husband dey exchange marital vow with e mistress
The her name na Rudo Pedzisai and her husband name na Tendai Gondwa and e mistress name na Precious Muzenda the woman get luck sey e never quick dem join dem together, the time wey she enter court.
According to H-Metro, the groom, Tendai Gondwa, na bureau the changer, e comot from e matrimonial house for midnight sey e dey go another town, Gwanda, somebody call e wife for morning sey e husband wan do secret marriage.
“The wife dey sleep when somebody call her for phone sey mek she run go Zvishavane courts her husband wan tie the knot with another woman.
“Rudo be no believe wetin the person tell her, but the person sey mek she go check by her self.
“She no waste time, she just jump up and hire taxi wey carry her go the court and the couple shock when dem see her enter the court for morning dey shout,” na so the source talk.
Report sey Pedzisai no believe wetin she see as her husband wear stand near the bride to be.
She tell the magistrate sey the groom na her husband and dem don get children together.
“We still dey together and our marriage still strong. E never divorce me and when e comot from house yesterday night e claim sey e dey go Gwanda. Na person wey I no know na im call me tell my husband wan marry another woman for court, na im mek me rush come here,” na so Pedzisai.
The magistrate no waste time at all, e cancel the marriage after Pedzisai don show prove sey she and Gondwa still dey for marriage.
The bride, Precious Muzenda, wey wear white gown come dey cry well well because her special day don turn to bad dream after magistrate Shepherd Mjanja cancel the marriage.