Final Gist.com

We dey give una any thing wey dey happen for this world for Pidgin English

Dino Melaye vs Federal Government court case na March 1

Federal Government of Nigeria go carry Senator Dino Melaye go Abuja high court for 1 March 2018.

Federal Government dey claim Senator Melaye, wey dey represent Kogi west senatorial district for National Assembly blow lie to police say di chief of staff to di Kogi State governor, Edward Onoja David, try kill am for Ayetoro-Gbede inside the state last year.

Na the office of the Attorney General of the Federation (AGF) carry the case, wey get the number CR/106/18, go Abuja high court for 31 January 2018.

The two things dem charge Melaye be say:

  • The Kogi west senator lie on top Edward Onoja David head say, Onoja try kill am for 17 April 2017.
  • The Kogi west senator dey spread fake news about Edward Onoja David, wey fit destroy Onoja name.

According to this charges wey Magaji Labaran, wey be government lawyer sign, police discover say na lie Melaye lie wen dem investigate Edward Onoja David hand inside the kill matter.

But government lawyers still never give Melaye im own copy of the charges because when dem show for im National Assembly office last week, dia plan to hand over the charges enter k-leg.

Tori be say dem go give am the charges before the case start for March.

Na Justice Olasumbo Goodluck for FCT High Court, Maitama go handle di case.

According to the News Agency of Nigeria, the second charge claim say Melaye be tell Mohammed Abudu Abubakar, wey be son of the late former governor of Kogi State Abubakar Audu, say im wan destroy Onoja name, na why im drag im name enter this fake crime.

Posted: Politics

Subscribe for Newsletter