We dey give una any thing wey dey happen for this world for Pidgin English

"Corruption dey make young people join bad gang" - Buhari

"Corruption na di greatest evil wey don happen for our time".

Na wetin Nigeria President, Mohammadu Buhari, talk as im launch di African Anti-Corruption Year 2018 for the African Union summit wey dey happen for Addis Ababa, Ethiopia.

As plenty African leaders gather for Addis Ababa, na how to fight corruption be the main focus this year.

Na United Nations Economic Commission first start to talk the matter when dem tweet say "corruption don hold Africa back too long and time don reach to stop am".

Twitter post by @ECA_OFFICIAL: Corruption has held Africa back for far too long and it's time to nip it in the bud, says @SongweVera to @_AfricanUnion Executive Council. It is within our remit to repair this cancer, she added while applauding African Union for choosing corruption as its 2018 battle cry.

Na the Nigerian president dey champion the campaign wey the African leaders wan do this year.

Mr Buhari talk say true true, corruption don spoil plenty things and don cause make young people and communities suffer.

Im say na corruption dey cause make some young people join bad gang like militants and armed groups because e no allow dem do beta things with their life.

Rwanda President Paul Kagame

Rwanda President Paul Kagame go start work as African Union oga

Na for this AU summit Guinea President, Alpha Conde, go officially hand over as African Union chairperson to Rwanda President Paul Kagame.

Zimbabwe President Emmerson Mnangagwa

This na the first summit wey new Zimbabwe President Emmerson Mnangagwa go attend

Liberia President George Weah

 Liberia President George Weah wey dem swear-in on 22 January

Mr Buhari say e dey ginger am as im fellow ogas don give am this job to champion the fight against corruption. But e warn say e no go easy as corruption sef go "fight back".

Posted: News

Subscribe for Newsletter