Final Gist.com

We dey give una any thing wey dey happen for this world for Pidgin English

‘Come carry us, we don tire to stay here’ – Libya returnees

About 24 of the Libya returnees wey dey PH International Airport don protest make their state government come carry dem.

Ann Godwin wey be news person talk say the returnees wey do the protest na from Ekiti, Kwara and Osun states. She say by right, the returnees suppose stay the camp for the airport for 48 hours but tbis people don dey the camp pass two weeks, so dem come dey complain when dem see other states dey come carry their people.

Authorities from the states don assure NEMA say dem go come carry their people.

Meanwhile the fifth batch of 136 returnees be don land Port Harcourt International Airport. NEMA say so far na 2,091 returnees dem don bring come back for the Port Harcourt International airport.

Posted: News

Subscribe for Newsletter