Final Gist.com

We dey give una any thing wey dey happen for this world for Pidgin English

CHAN 2018: Morocco league no better pass our own - Nigerian league organiser

"Make we no dey look whether dem win or lose".

That na wetin the organisers of Nigeria Professional Football League, the League Management Company (LMC) talk, after Nigeria Super Eagles lose 4-0 to Morocco for CHAN 2018 final.

Harry Iwuala wey be Head of LMC Special Projects, say the Confederation of African Football (Caf) set up the championship for home based players to get competition experience.

"To play reach the final na improvement for Nigeria," im talk. "The fact say Morocco win Nigeria no mean say their league better pass Nigeria own. You need to look the quality of di league, quality of players, quality of football, quality of football economy. Nigeria fit no get everything wey Morocco get, but we get quality talents."

Nassarawa United

The Super Eagles be end the match with ten men after Peter Eneji Moses receive red card after im get two yellow.

Harry Iwuala say Nigeria lose because the Morocco team bin get better tactics. Im say: "Di Moroccans be get massive support, and as Nigeria dey one man down e affect dem. Nigeria players for the league dey travel by road to play matches and e no dey help their fitness. Under better facilities, dem go do well."

Two goals from Zakaria Hadraf, one each from Walid El Karti and Ayoub El Kaabi, help Morocco win the African Nations Championship, wey dem host.

Harry Iwuala

Posted: Sport

Subscribe for Newsletter