The latest action-adventure film from Marvel, Black Panther, on 13 January, do im Africa premier for Kenya, di country where one of the main actors Lupita Nyogo'o bin come from.
Western Kenya town of Kisumu go happy for the opportunity to be the first people for Africa to watch Black Panther wey be the first major superhero film from Hollywood to get black pipo as main actors, as the film premier three days before the worldwide release on Friday 16 January.
Academy award winner Lupita Nyogo'o wey act inside the film show for the event for the lakeside town wey im papa Peter Anyang' Nyong'o na the Governor.
The local organisers of the event say dem show the film so as to promote arts among the youth people of Kenya.
For the film, Lupita play the role of Nakia, spy wey come back to her country to see her former lover become the crown king of Wakanda land, but one wahala wey happen force am to stay and help the king remain for throne.
The film don dey make wave for social media as many black people dey happy say e represent dem well and dem dey use the hashtag #WhatBlackPantherMeansToMe to tell the world wetin the film mean to dem.