We dey give una any thing wey dey happen for this world for Pidgin English

Apapa Bridge don ready to open- Lagos

One big bridge wey dey service Apapa area for Lagos, wey be Nigeria economic capital, go open again after 11 years.

The News Agency of Nigeria dey report say after 11 years wey the Apapa Marine Beach Bridge close, repair work don complete, and di bridge dey ready now for make people use am well well.

Na fire damage the bridge about 11 years ago, but dem arrange contract to repair am for 2012.

Tori be say as money no dey, the contractor run leave the work, and some part of the bridge even fall trowey

But things change on 5 March 2017 when the Lagos state government close part of the bridge for repair, and work begin.

Ghassan Kaadi wey be di new contractor for the project tell tori people on Sunday say: "we finish work on top the bridge, come open am for traffic for November. The Marine Beach Bridge don tanda gidigba and e dey safe for use."

Oga Kaadi add say "The Federal Ministry of Power, Works and Housing dem dey come next week to inspect the bridge."

Posted: News

Subscribe for Newsletter