E reach 39 people wey die for the fire wey happen for one hospital for South Korea.
The fire start for the emergency room for Sejong Hospital for south-east city of Miryang.
Authorities say 70 people injure and e reach 200 patients wey dey inside the hospital when the fire start.
Fire brigade people tell tori people Yonhap say na the smoke from di fire kill the people.
Na the deadliest fire for over 10 years for South Korea and dem dey fear say people wey the fire affect, wey their condition dey critical, fit die.
Oga for their fire department, Choi Man-woo, talk say dem never sabi wetin cause the fire.